我是你的眼-----梁凱程

打開Netflix，發現有些電影中有口述影像提供，好奇打開嘗試閉起雙眼，體驗一下視障人士如何看電影，感覺十分奇妙。眼睛是靈魂之窗，然而社會中有一群人不幸失去視力，「其實係睇公眾社會有幾多人重視呢個群體？真正的平等、共融並唔係為視障人士獨立安排專場，而係畀佢哋同健視人士一齊參與同一場活動。」香港口述影像協會創辦人梁凱程說。

六年前梁凱程創辦香港口述影像協會，積極推動視障人士融入社會，成為他們的眼睛，辦口述電影、口述足球比賽、口述博物館參觀，令視障人士都可以參與一般人的活動。最近，她更推出口述繪本，為兒童讀物提供口述影像及觸感製作，希望協助視障兒童加強語文能力。

「口述影像其實唔單止睇戲，仲有好多嘢可以做，問題係公眾教育上面，大家對佢哋唔認識，你有冇留意到，我哋個社會有呢班人一齊生活緊。好多人以為佢地唔識用iPhone，但其實佢地隨時叻過大家，因為佢哋需要iPhone入面無障礙功能。咩係共融？就係你有冇提供一個社會參與機會，畀佢哋多啲互動。」

2017年，香港科學館展出大英博物館古埃及文物及木乃伊，梁凱程亦為視障人士提供了口述旅程，「我哋真係整咗個木乃伊畀佢哋摸，同佢哋講解，原來大家好有興趣！其實佢哋同大家一樣，我哋鍾意咩，佢哋都會鍾意，係睇個無障礙做得好唔好！」

社會要共融，最基本要令大家知道有相關服務提供，梁凱程憶述曾與一名視障人士傾談，問他平時有沒有去博物館參觀，「佢反問我咩我哋可以去咩？原來視障人士都可以去睇，其實佢哋自己一直認為唔去得，呢個就係社會問題，無人幫到佢哋，佢覺得去博物館同去街市無分別，咁去來做咩？」

所謂口述影像，說穿了就是一種翻譯技巧，以聲音描述視覺元素。以電影為例，口述影像員會在對白與聲效之間的空檔，描述場景、演員的動作、神情、衣著等，方便視障人士能「以耳代眼」了解劇情，口述影像員成為視障人士的眼睛。

梁凱程原為大學講師，教英文及翻譯，機緣巧合下接觸視障人士，發現口述影像可以更直接幫助這群人，毅然到英國倫敦大學翻譯研究中心修讀博士課程，專門研究口述影像，寫下全球首份粵語口述影像研究，回港推廣專業口述影像及培訓口述影像員，「如果大家當無障礙呢樣嘢係慈善，甘有錢未做，無錢未唔做囉，但我係當社會創新，希望視障人士都有平等參與嘅權力，會推出更多相關服務，例如繪本、運動等等，畀佢哋參與得更多，呢啲先係真正嘅共融。」